網紅的藏寶箱很多人在引述智叔在《十年》其中一個故事《本地蛋》的名句：「千祈唔好慣」。
香港人，你有冇對以下的事情感到麻木：
「又一個港台節目被抽起呀？預咗㗎喇。」
「今日又 DQ 一個，係咁㗎喇，根本親中玩哂喇。」
「又拉幾十人，唉，邊有得同政權鬥呀～」
「咁都唔畀保釋，但呢單咁大件事律政司又竟然撤控喎，係好唔公平㗎，又可以點？」
「一早估到課程改到面目全非，唯有自己教返佢正確價值觀喇。」
「周圍都要用『安心出行』，咁真係下載方便啲嘅。」
「又死人？都唔記得第幾個喇。」
「又迅速通過十億撥款，真係唔想交稅。話時話，今晚提我報稅喎。」
「撐黃店？撐得幾多間，其實消費分黃藍真係好鬼煩。」
「我都唔想睇唔想聽，根本唔會改變得到現況。」
「我已經唔睇新聞唔睇 Facebook，唔想影響自己心情。」
「有能力走咪走囉，唔走嘅都要接受現實，一齊學習做個小粉紅。」
現在，多一個打完疫苗的人死亡、多一個被取消資格的議員、多一個政治運動參與者被捕、多一個無理囚禁的政治犯、多一個電視節目/電影/話劇/藝術展覽被抽起或取消、多一支有安裝人面識別系統的電燈柱、多一條不合常理的法例、多一單指鹿為馬顛倒是非的無理指控，似乎都是必然會發生的，有甚麼好激動。
圖片來源：KokDamon Artist
Search